|
|
|
24 чэрвеня 2009
14 чэрвеня 2009
11:42 - Bugzilla 3.2.3, 3.0.8, 2.22.7 па-беларуску
Выдадзены пераклады на беларускую мову чарговых версіяў Багзіла: 3.2.3, 3.0.8, 2.22.7.
Сцягваць адсюль.
|
28 красавіка 2009
12:38 - Firefox 3.5 Beta 4
Выдадзены Firefox 3.5 бета 4.
Раней Firefox 3.5 быў вядомы як Firefox 3.1. Але ў сувязі з вялікай колькасцю новаўводзінаў, яго перайменавалі ў Firefox 3.5.
Сцягнуць Firefox 3.5 бета 4 можна з гэтай старонкі.
|
16 сакавіка 2009
22:04 - Firefox 3.1 Beta 3
Firefox 3.1 Beta 3 можна сцягнуць адсюль.
Новаўводзіны:
- Палепшаны рэжым прыватнага азірання.
- Палепшаная працавыніковасць і ўстойлівасць разам з новым рухавіком JavaScript TraceMonkey.
- Паляпшэнні падтрымкі нізкі працаўнік Сеціва.
- Новая родная падтрымка JSON.
- Паляпшэнні рухавіка размяшчэння Gecko, уключаючы спекуляцыйны разбор для хутчэйшага адлюстравання змесціва.
- Падтрымка новых тэхналогіяў Сеціва, такіх як адзінкі і , W3C Geolocation API, вылучальнікі запытаў JavaScript, уласцівасці CSS 2.1 і 3, ператварэнні SVG, пазасеткавыя прыстасаванні.
|
6 сьнежня 2008
15:58 - Багзіла 3.2 па-беларуску
Выдадзены пераклад на беларускую мову Багзіла 3.2, новай устойлівай версіі Багзіла. Сцягваць адсюль.
|
22 лістапада 2008
20:15 - Багзіла 3.2rc2, 3.0.6, 2.22.6, 2.20.7 па-беларуску
Выдадзены пераклады Bugzilla 3.2rc2, 3.0.6, 2.22.6, 2.20.7 на беларускую мову.
Спасылкі для сцягвання.
|
5 кастрычніка 2008
17:39 - Багзіла 3.2rc1, 3.0.5 па-беларуску
Выдадзены пераклады Bugzilla 3.2rc1, 3.0.5.
Сцягваць адсюль.
|
24 ліпеня 2008
18:11 - Jimm па-беларуску
Jimm перакладзены на беларускую мову.
Jimm - гэта клон ICQ™ для мабільных збудоваў з тэхналогіяй J2ME™ (MIDP) (Java 2 Micro Edition / Mobile Information Device Platform).
Асаблівасці:
- Працуе на вялікай колькасці збудоваў, якія маюць падтрымку J2ME™. (На PDAs (Palm) і на большасці сучасных мабільнікаў)
- Злучаецца непасрэдна з сеткай ICQ™ праз GPRS або UMTS.
- Дазваляе дасылаць паведамленні ICQ™ з вашай мабільнай збудовы.
- Ужывае пратакол ICQ™ версіі 8.
- Паведамленні, якія Jimm дасылае праз таннае злучэнне GPRS ці UMTS, можа быць на 96 адсоткаў таннейшымі, чым SMS.
- Падтрымлівае: дасыланне файлаў, мясцовай гісторыі, пошук кантактаў і шмат што іншае.
- Перакладзены на вялікую колькасць моваў: англійскую, беларускую, нямецкую, расейскую, украінскую і іншыя.
- Бясплатны, з адкрытымі зыходнікамі.
Беларуская мова даступная ў версіях 0.6, якія пакуль маюць статус Beta. Таму ў іх могуць мецца хібы.
Сцягнуць апошнюю версію Jimm можна адсюль.
|
24 траўня 2008
18 траўня 2008
6 красавіка 2008
15:41 - Firefox 3 beta 5
Заўвага: Файэрфокс 3 Бета 5 - прылюдна даступнае выданне, прызначанае для выпрабавання і атрымання водгукаў.
Яно ўключае новыя асаблівасці і істотныя паляпшэнні працавыніковасці, карыстання памяццю і хуткасці.
Прачытайце заўвагі пра выданне і
пералік вядомым хібаў перад тым, як ўсталёўваць
гэтае выданне.
Выпрабальнікі могуць сцягнуць пабудовы Файэрфокс 3 Бета 5 для Windows,
Mac OS X і
Linux
на 45 розных мовах, у тым ліку на беларускай.
Новыя асаблівасці і змяненні ў гэтым выданні, для якіх патрабуюцца водгукі:
- Паляпшэнне карыстальніцкага інтэрфейсу, у тым ліку змяненне выгляду на
Windows Vista, Windows XP, Mac OS X і Linux.
- Змяненні і выпраўленні новых асаблівасцяў: самазавяршэнне адрасоў, захаванне і аднаўленне закладак,
павялічэнне/памяншэнне старонкі цалкам і іншых.
- Выпраўленні і ўдасканаленні, якія паляпшаюць бяспеку, сумяшчальнасць і ўстойлівасць.
- Паляпшэнні працавыніковасці: змяненні рухавіка JavaScript паляпшаюць працавыніковасць у параўнанні з
папярэднімі выданнямі. У выніку паскараецца праца прыстасаванняў Сеціва, такіх як Пошта Google і Офіс Zoho.
(Падрабязней даведацца пра ўсе новыя асаблівасці можна ў раздзеле “What’s New”
заўвагаў пра выданне .)
|
24 лютага 2008
12:39 - Службы Сеціва ў Firefox 3
Новы Файэрфокс 3.0 будзе мець палепшанае ўзаемадзеянне з службамі Сеціва.
Было б добра мець узаемадзеянне з службамі, больш арыентаванымі на беларукага карыстальніка.
Англійскі варыянт прапануе наступныя:
- Убудовы пошуку: Google, Yahoo, Amazon, Answers, CC, eBay, Wikipedia
- Чытальнікі: Bloglines, My Yahoo, Google
- Жывыя закладкі: BBC
- Апрацаўнікі mailto: GMail, YahooMail, Hotmail
- Апрацаўнікі Calendar: 30boxes, Google, Yahoo
Мы змянілі ўбудовы пошуку на наступныя:
Google, Yahoo, be.wikipedia.org, be-x-old.wikipedia.org, ru.wikipedia.org-be, tut.by, yandex.ru-be .
Таксама ёсць намер замяніць чытальнік Bloglines на Netvibes, бо апошні мае беларускі пераклад.
Якія, на вашу думку, службы павінны быць у беларускім Файэрфокс?
|
29 студзеня 2008
13:08 - SeaMonkey 2.0 a1pre па-беларуску
Пераклад SeaMonkey ужо ў CVS
Нарэшце кіраўнікі праекту праверылі загружаны ў CVS пераклад і
дадалі
беларускі SeaMonkey у tinderbox.
Таму ўжо можна сцягнуць свежую пабудову з паслугача
ftp.mozilla.org.
Што я адразу і зрабіў. Для тых хто адважыцца на такі крок, раю спярша
наведаць tinderbox
і ўпэўніцца, што слупок WINNT
5.2
sea-win32-tbox
Dep Nightly be мае зялёны колер (ён
паказвае на адсутнасць хібаў у пабудове).
Беларускія пабудовы маюць суфікс be:
Звычайна хібаў няма ў панядзелак. Тут няма нічога містычнага, як
здаецца на першы погляд. Я выкладваю пераклад у нядзелю. Да панядзелка
зыходны код SeaMonkey звычайна застаецца некранутым і ніводзін
няўрымслівы распрацаўнік не паспявае "сапсасаваць" пераклад
зменамі ў
інтэрфейсе.
Першыя ўражанні
Адразу заўважыў новую тэму :-) .
На мой погляд SeaMonkey стаў больш прыгожым, значкі на паліцах пачалі
выглядаць як ёлачныя цацкі. Засталася і старая "Сучасная" тэма, вядомая
карыстальнікам па папярэднім выданням.
Здзівіла, што SeaMonkey не скарыстаўся перавагамі з
SeaMonkey 1.1. Так, SeaMonkey больш не працягвае радок Mozilla і стаў
самастойным прадуктам. Таму карыстальнік SeaMonkey 2.0 будзе мець
адмысловы профіль, ніяк не злучаны з былым профілям Mozilla.
Дадаткі
SeaMonkey цяпер мае паўнацэнную падтрымку пашырэнняў, тэмаў, убудоваў.
Калі раней, каб усталяваць/высталяваць/дазволіць/забараніць дадаткі
было даволі складана, патрабавалася шмат працаваць рукамі, дык цяпер мы
можам скарыстацца кіраўніком дадаткаў, які дазваляе рабіць гэтыя
дзеянні без цяжкіх намаганняў.
Тут жа ўсталяваў мае ўлюбёныя Adblock
Plus і NoScript.
Перавагі карыстальніка
Бачна, што распрацаўнікі SeaMonkey працуюць над новым дыялогам
прызначэння перавагаў. Але пакуль што яны прайшлі палову шляху.
Застаўся былы дыялог і ёсць ужо новы. У старым вас папярэдзяць пра
існаванне намеру
цалкам перапісаць сістэму прызначэння перавагаў у стылі, які маюць
Firefox і Thunderbird.
Паштавік
Паштавік цяпер не адрозніваецца ад Thunderbird.
Укладальнік
Што мне заўсёды падабалася ў SeaMonkey і Mozilla, дык гэта наяўнасць і
простага, і адначасова магутнага для недасведчанага карыстальніка
ўкладальніка старонак сеціва. Калі вы не з'яўляецеся знаўцам HTML, CSS,
калі ў вас няма на кампутары адмысловых праграм для стварэння простых
старонак, тады вам спадабаецца наяўнасць магчымасці ў некалькі
пстрыканняў мышшу скласці старонку, каб памясціць яе на сваю пляцоўку ў
сеціве. Радуе, што распрацаўнікі SeaMonkey пакінулі ў яго складзе гэтую
карысную прыладу.
Высновы
Раней SeaMonkey (Mozilla) быў маёй асноўнай прыладаю для працы ў
Internet. Але паявіўся Firefox, які можна ўладкаваць пад сябе з
дапамогаю разнастайных дадаткаў, і я здрадзіў SeaMonkey. Цяпер, калі
апошні набыў аналагічныя ўласцівасці, час звярнуць на яго ўвагу ізноў.
Для тых, хто карыстаецца парай Firefox/Thunderbird, SeaMonkey будзе
цудоўнай альтэрнатывай. Ён дазволіць вам адначасова мець у наяўнасці
плюсы Firefox пры "коўзанні" ў сеціве і карыстацца магутным паштавіком.
Пры гэтым у памяці вашага кампутара будзе працаваць адна праграма
замест двух.
SeaMonkey 2.0 a1pre яшчэ даволі сыры, але ён ужо заслугоўвае вашай
увагі.
|
13 студзеня 2008
14:06 - Багзіла 3.0.3 па-беларуску.
Выдадзены пераклад для чарговай стабільнай версіі Багзіла (3.0.3).
Сцягнуць можна адсюль.
|
24 сьнежня 2007
21:11 - Firefox 3 Beta 2
Firefox 3 Beta 2 даступны для загрузкі, у тым ліку беларуская версія.
УВАГА: Распрацоўцы не раяць ужываць Firefox 3 Beta 2 нікому, акрамя іншых распрацоўцаў і выпрабаўнікоў. Калі вы ўсё-такі наважыцеся карыстацца новай версіяй, дык захавайце копію вашага профілю, каб мець магчымасць аднавіць яго ў выпадку згубы даных або калі вырашыце працягваць ужываць Firefox 2. Даведацца, як зрабіць гэта, можна тут.
Firefox 3 Beta 2 - гэта чарговае выданне, прызначанае для выпрабавання новых асаблівасцяў і змяненняў, запланаваных для ажыццяўлення ў Firefox 3.
Новыя асаблівасці і змяненні ў гэтым выданні:
- Паляпшэнне бяспекі.
- Паляпшэнне лёгкасці ўжывання: лепшае кіраванне паролямі, лягчэйшае ўсталяванне дадаткаў, новы кіраўнік загрузак, які дазваляе ўзнаўляць загрузкі, змяненне маштабу цэлай старонкі, палепшанае ўзаемадзеянне з Windows Vista, Mac OS X і Linux.
- Паляпшэнне зручнасці: стварэнне закладак адным пстрыканнем, паказ на паліцы месцазнаходжання адпавяданняў з гісторыі і закладак, магчымасць рэгістрацыі прыстасаванняў сеціва апрацаўнікамі пратаколаў, лепшае ўладкаванне дзеянняў загрузкі для розных тыпаў файлаў.
- Новая архітэктура адлюстравання графікі і шрыфтоў, JavaScript 1.8, вялікія змяненні ў машыне адлюстравання HTML, родныя кіроўцы для формаў старонак сеціва, падтрымка пазасеткавых прыстасаванняў.
- Паляпшэнне працавыніковасці: паскарэнне адлюстравання старонак, выпраўленне праблемаў згубы памяці.
Пра гэтыя і іншыя асаблівасці вы можаце даведацца больш падрабязна ў заўвагах пра выданне.
|
7 лістапада 2007
19:27 - Багзіла 3.1.2 па-беларуску
Выдадзены пераклад Багзіла 3.1.2 на беларускую мову.
Багзіла 3.1.2 - чарговая распрацоўная версія Багзіла на шляху да наступнага стабільнага выдання Багзіла (3.2). Яна мае шмат новых асаблівасцяў, пазнаёміцца з якімі можна тут.
|
21 кастрычніка 2007
13:56 - Firefox 2.0.0.8 па-беларуску
Выдадзены Файэфокс 2.0.0.8. У новым выданні выпраўлены праблемы бяспекі. Падрабязнасці тут.
|
23 верасьня 2007
17:13 - Багзіла 3.0.2 па-беларуску
Багзіла - сістэма, якая дапамагае распрацоўцам праграмаў выпраўляць вядомыя хібы ў іх прадуктах.
Пераклад Багзіла 3.0.2 на беларускую мову.
Настаўленні па ўсталяванню.
|
19 верасьня 2007
8 верасьня 2007
|
|
![[info]](http://l-stat.livejournal.com/img/userinfo.gif){kind=small}
mozcraft![[ ]](http://img120.imageshack.us/img120/6581/unknownhs3.gif)
![[ ]](http://img165.imageshack.us/img165/7248/binaryrw8.gif)